Skilmálar og skilyrði

Heilsumiðstöð Reykjavíkur er rekin af G50 ehf. — öll viðskipti á þessum vef eru við það félag, og það er nafnið sem birtist á kortayfirlitinu þínu.

Við bjóðum heilsumeðferðir — nudd, Bowen, höfuðbeina- og spjaldhryggsjöfnun, fótaaðgerðir og fleira. Meðferðirnar sem eru í boði, lengd þeirra og verð koma fram á vefnum.

Öll verð eru í íslenskum krónum (ISK) og virðisaukaskattur er innifalinn. Verð geta breyst, en verðið sem stendur við bókun er það sem gildir fyrir þá bókun.

Þú getur bókað á vefnum eða í síma 537-7753. Þegar bókun hefur verið móttekin færðu staðfestingu í tölvupósti. Bókun telst frágengin þegar sú staðfesting hefur borist.

Þú berð ábyrgð á að gefa upp rétt netfang og símanúmer svo við náum í þig ef eitthvað breytist.

Meðferðir eru greiddar í móttöku að meðferð lokinni, með korti eða reiðufé. Gjafabréf er hægt að kaupa á vefnum og greiða með greiðslukorti.

Kortagreiðslur á vefnum fara fram hjá greiðsluþjónustunni myPOS. Kortaupplýsingar eru slegnar inn hjá þeim og eru hvorki sendar til okkar né geymdar hjá okkur.

Á kortayfirlitinu birtist færslan sem HEILSUMIDSTOD.

Þú getur afbókað eða breytt tíma án kostnaðar með minnst 24 klukkustunda fyrirvara.

Auðveldast er að nota hlekkinn í staðfestingarpóstinum. Þú getur líka hringt í 537-7753 eða sent okkur póst á reykjavik@heilsumidstod.is.

Sé afbókað með skemmri fyrirvara, eða ef ekki er mætt í bókaðan tíma, áskiljum við okkur rétt til að innheimta gjald fyrir tímann. Við sýnum því skilning þegar veikindi eða annað ófyrirséð kemur upp — láttu okkur bara vita.

Þurfum við sjálf að fella niður tíma bjóðum við þér nýjan tíma eða fulla endurgreiðslu, hvort sem þú kýst.

Þjónusta sem hefur verið greidd en ekki nýtt er endurgreidd að fullu. Endurgreiðsla á kortagreiðslu fer á sama kort og greitt var með og berst yfirleitt innan 5–10 virkra daga, eftir því hvað bankinn þinn er fljótur.

Meðferð sem hefur verið veitt er ekki endurgreidd. En ef þú varst ekki ánægð/ur viljum við heyra af því — hafðu samband og við finnum lausn.

Gjafabréf sem keypt er á vefnum og hefur ekki verið nýtt má fella niður og fá endurgreitt innan 14 daga frá kaupum, í samræmi við rétt neytenda til að falla frá fjarsölusamningi. Sendu okkur póst á reykjavik@heilsumidstod.is með númeri gjafabréfsins.

Gjafabréf gildir annað hvort fyrir ákveðna upphæð eða tiltekna meðferð, eins og fram kemur á bréfinu sjálfu.

Gildistími kemur fram á hverju gjafabréfi og er að jafnaði eitt ár frá útgáfudegi. Gjafabréf er framseljanlegt — hver sem er má nota það — en það er ekki innleyst fyrir reiðufé.

Sé upphæð gjafabréfs hærri en verð meðferðarinnar stendur mismunurinn eftir sem inneign. Sé hún lægri greiðir þú mismuninn í móttöku.

Hafir þú týnt gjafabréfinu, hafðu samband — við finnum það út frá númerinu eða netfanginu sem það var sent á.

Ef eitthvað fer úrskeiðis viljum við fá að vita það. Sendu okkur póst á reykjavik@heilsumidstod.is eða hringdu í 537-7753. Við svörum eins fljótt og við getum, að jafnaði innan tveggja virkra daga.

Náum við ekki saman um niðurstöðu getur þú leitað til kærunefndar vöru- og þjónustukaupa eða til Neytendastofu.

Við förum með persónuupplýsingar og heilsufarsupplýsingar samkvæmt lögum um persónuvernd. Nánar er fjallað um það í persónuverndarstefnunni.

Um þessa skilmála gilda íslensk lög. Rísi ágreiningur sem ekki tekst að leysa er hann rekinn fyrir Héraðsdómi Reykjavíkur.